„ღამის სერენადები“ 4 სექტემბერს ალექსანდრე კორსანტიას კონცერტით დაიხურება

04 სექტემბერი 2018

20:00

X საიუბილეო საერთაშორისო ფესტივალის „ღამის სერენადები“, რომლის სამხატვრო ხელმძღვანელები არიან ლიანა და გიორგი ისაკაძეები, დასკვნითი საღამო გაიმართება 4 სექტემბერს კონსერვატორიის დიდ დარბაზში.

ფესტივალის ბოლოს საქართველოში პირველად შესრულდება გალინა უსტვოლსკაიასკონცერტი ფორტეპიანოს, ლიტავრებისა და სიმებიანი ორკესტრისთვის.

კამერული ორკესტრი „საქართველოს ვირტუოზები“

დირიჟორი – ვახტანგ მაჭავარიანი (გერმანია/საქართველო)

სოლისტები: ალექსანდრე კორსანტია – ფორტეპიანო (აშშ/საქართველო)

ნათელა მარკოზაშვილი – ლიტავრები (საქართველო)

პროგრამა:

I განყოფილება

ა. მაჭავარიანი – სიმფონია კამერული ორკესტრისთვის

(კამერული ორკესტრის ვერსიის ავტორი ვ. მაჭავარიანი)

II განყოფილება

დ. შოსტაკოვიჩი – კამერული სიმფონია დო მინორი, თხზ. 110 (კვარტეტი N8)

გ. უსტვოლსკაია – კონცერტი ფორტეპიანოს, ლიტავრებისა და სიმებიანებისთვის

შეგახსენებთ, რომ „ღამის სერენადები“ 22 აგვისტოს ბათუმში გაიხსნა, 2 სექტემბერს თბილისში გადმოინაცვლა და დასკვნითი საღამო სწორედ 4 სექტემბერსაა დაგეგმილი. ღონისძიება ლიანა ისაკაძის სახელობის გახლავთ. ის წლების წინ აფხაზეთში, ბიჭვინთაში დაარსდა, ობიექტური მიზეზების გამო გარკვეული ხნით პაუზა ჰქონდა, შემდეგ განახლდა ბორჯომში, ბათუმში და ახლა თბილისშიც გადმოინაცვლა.