28.11.2024 16:37:20
19 მაისს, Black Sea Arena 2018 წლის სეზონის გახსნაზე წარმოგიდგენთ ლეგენდარული კომპოზიტორის, ენიო მორიკონეს კონცერტს რომის სიმფონიურ ორკესტრსა და თბილისის ოპერის გუნდთან ერთად. კონცერტზე შესრულდება მაესტროს მიერ კინოსთვის შექმნილი საუკეთესო მუსიკალური ნაწარმოებები. ღონისძიება მაესტროს მოღვაწეობის 60 წლის იუბილესადმი მიძღვნილი ტურნეს ფარგლებში იმართება. ენიო მორიკონეს თავისი ბრწყინვალე კარიერის განმავლობაში შექმნილი აქვს 600-მდე მუსიკალური ნაწარმოები, რომელთაგან 500 სხვადასხვა ფილმისთვის დაწერა და თანამშრომლობდა ისეთ დიდ რეჟისორებთან, როგორებიც არიან სერჯიო ლეონე, ჯუზეპე ტორნატორე, კვენტინ ტარანტინო. ამ უკანასკნელის ფილმისთვის „საძულველი რვიანი“ კომპოზიტორმა თავისი პირველი „ოსკარი“ მიიღო. ენიო მორიკონეს აქვს 6 „ბაფტას“, 3 „გრემის“ და 3 „ოქროს გლობუსის“ ჯილდო.
კარის გახსნა: 18:00 საათი
დაწყება: 20:30 საათი
კონცერტი
კონცერტი
კონცერტი
კონცერტი
